Gott að vita
Um okkur
Við leggjum áherslu á auðveldar tímabókanir og auðveld samskipti. Því getur þú nú pantað tíma hvenær sem er á heimastíðunni okkar. Vinsamlegast athugið að aðeins er hægt að bóka tíma á heimasíðunni. Þurfir þú að koma til okkar skilaboðum vinsamlegast hafið samband hér. Bjóðum bæði núverandi og nýja skjólstæðinga velkomna.
Ef þú getur ekki nýtt tímann af einhverjum ástæðum værum við þakklát ef þú gætir afbókað með eins miklum fyrirvara og mögulegt er með því að smella á tengil í tölvupóstinum sem fylgdi staðfestingu á tímabókuninni. Því skaltu ekki eyða tölvupóstinum með staðfestingu á tímanum.
Ath: Rukkað verður fyrir tíma sem afbókaður er eftir klukkan 14 daginn áður.
Við veitum alla almenna þjónustu innan kvensjúkdómalækninga. T.d.:
- Snemmsónar.
- Getnaðarvarnarráðgjöf.
- Lykkjuuppsetningar og lykkjufjarlægingar. Lykkjur eru seldar á sambærilegu verði og í lyfjaverslunum.
- Ráðgjöf um ófrjósemisaðgerðir.
- Krabbameinsskoðun með leghálssstroki.
- Skoðun og meðferð vegna kynsjúkdóma.
- Mat, ráðgjöf og meðferð vegna þvagleka og blöðru- og legsigs.
- Frumrannsókn og meðferð vegna ófrjósemi.
- Ráðgjöf vegna fóstureyðinga.
- Mat, ráðgjöf og meðferð vegna verkja í grindarholi og verkja við samfarir
- Mat, ráðgjöf og meðferð vegna blæðingatruflana.
- Ráðgjöf og fræðsla varðandi tíðarhvörf og breytingarskeiðið.
Við störfum samkvæmt samningi við Sjúkratryggingar Íslands sem tryggir jafnt aðgengi allra að þjónustunni og greiðsluþátttöku Sjúkratrygginga Íslands.
Ef þú hefur komið til okkar áður getur þú óskað eftir endurnýjun lyfseðils hér á heimasíðunni og vitjað hans á kennitölu þinni í næsta apóteki. Þar sem við höfum ekki daglega viðveru geta liðið nokkrir dagar þar til lyfseðill birtist í lyfjagáttinni. Yfirleitt má reikna með afgreiðslu lyfseðils eigi síðar en næsta dag sem viðkomandi læknir er á stofu.
Á heimasíðunni er hægt að koma til okkar skilaboðum hér. Við svörum við fyrsta tækifæri. Það geta liðið nokkrir dagar frá því skilaboð berast þar til þeim er sinnt.